كوني امرأة ناجحة ، أنيقة ومحتشمة
٣ قطع أساسية في دولابك لمظهر أكثر أناقة
مفيش شك إن الكام سنة اللي فاتوا ظهر اتجاه جديد في صناعة الأزياء ، وهو اتجاه قوي وصريح نحو أناقة وجمال المرأة "المحتشمة". واندرج هذا الاتجاه تحت مسمى "موديست فاشن" أو (الموضة المحتشمة) وبالرغم من أنه غير مقتصر فقط على المسلمة المحجبة ، إلا أنه رفع شأن المرأة العربية بشكل عام والمرأة المسلمة بشكل خاص
السؤال هنا : هل من الممكن أن تكون المرأة "المحتشمة" امرأة عملية ناجحة ولها شأن في الحياة؟ وهل يوجد نماذج لهذه المرأة الأنيقة والمحتشمة في ملابسها و أيضا الناجحة في مجالها المهني أو مجال عملها كرائدة أعمال حرة ، أو حتى في دورها "العظيم" كأم وربة منزل؟
إجابة الأسألة دي وببساطة هي "نعم" ?، والسر يكمن في "اختيار القطعة المناسبة لطبيعة الخروج" ، سواء نازلة شغلك أو نازلة مشاوير يومية أو عندك مناسبة خاصة ، لازم تكوني محددة طبيعة النشاط والجو العام للخروجة عشان تقدري تلبسي بطريقة صحيحة وتظهري بمظهر أنيق وجذاب
في المقالة هنا هشاركوا أفكار عملية للقطع الأساسية اللي مهم تكون متوفرة في دولابك واللي ممكن نعتمدها في اُسلوب حياتنا اليومي مهما كانت نشاطاتنا ، من غير ما نتخلى عن مباديء ديننا ومجتمعنا اللي بيحافظ على المرأة
:خليني في الأول أعرض عليكوا سريعا أقوى الأمثلة الملهمة اللي شدت انتباهي وأنا بتصفح في الموضوع ده وهي
"Halima Aden" حليمة آيدن
! عارضة الأزياء الصومالية البالغة من العمر ١٩ عاما، والتي نجحت في وضع بصمتها بأن تكون أول امرأة تظهر على غلاف مجلة "ڤوج" وهي مرتدية الحجاب
"Ibthaj Muhammad" ابتهاج محمد
أول أمريكية، مسلمة ومحجبة تشارك في الألعاب الأولمبية
“ Dalia Mogahed” داليا مجاهد
وهي أول مسلمة محجبة تشغل منصب مستشارة بالبيت الابيض
.يوجد أمثلة أخرى و مقالات كثيرة ممتعة في مجال صناعة الأزياء نحو اُسلوب " الأناقة المحتشمة" تقدروا تبحثوا فيها وأنصحكم تقرأوا فيها باستفاضة لأنها فعلا ملهمة.
:هبدأ أعرض عليكوا صور بالقطع الأساسية اللي لازم تكون في دولابك واللي هتسهل عليكي تنسيق واختيار القطعة المناسبة للمكان المناسب
١ ) من الأساسيات في دولابي الشخصي هو البنطلون الچينز، تقدري تلبسيه كاچوال أو سمارت كاچوال، ومن الموديلات المناسبة والمحتشمة هو موديل Straight cut, Mom jeans or Boyfriend jeans
Featuring Cold Stone
.٢) الچاكيت أو القميص الچينز ، تقدري تلبسيه على بنطلون اسود وكعب لمظهر أكثر أناقة أو مع حذاء رياضي أو اسبدرين ليكون أكثر راحة وعملية
Featuring Chai Latte
٣) البدلة السوداء سواء كانت البدلة الكلاسيكية المعتاد عليها كچاكيت وبنطلون واللي بتكون مناسبة جدا للمناسبات الخاصة أو بدلة كتان زي اللي انا لابساها في الصورة هنا. قطعة عملية وسهلة في تنسيقها
Featuring Ebony North
النجاح في الحياة له دراسات كثيرة وطرق كثيرة جدا بتدرس بشكل احترافي. واختيار اللبس المناسب في الوقت المناسب ، في رأيي من أهم الطرق عشان المرأة من خلال مظهرها تقدر توصل للعالم رسالتها وتقدر تعبر عن نفسها ده غير أهمية وقوة تأثيره المباشر على ميزاجها وثقتها في نفسها واللي بالتالي بتحققلها النجاح اللي محتاجة له في حياتها العملية والشخصية
