❤ الحمد لله الذى بنعمته تتم الصالحات
.... قلعته بعد ١٦ سنه حجاب و لبسته تانى بعد ٨ شهور
الغريب انى قلعته فى ربع ساعه و لبسته تانى فى ربع ساعه وفى المرتين من غير ما اخد رأى حد ,الحمد لله الذى رزقنى هذا من غير حول لى ولا قوة . و طبعاً إيما كان لها فضل كبير علي اني أرجع.. قبل ما أقلع الحجاب كنت بحب طرح إيما جداً و لما شلت الحجاب حطيت كل طرح إيما في الدولاب ومردتش اديها لحد مع إن كان في ناس كتير بتطلبها مني
ادعولى بالثبات علشان الشيطان يبعد عنى
للناس الى بتسأل قلعته ليه و لبسته ليه..انا قلعته فى وقت كان كل الظروف حواليا صعبة و الفتن طبعا بتزيد زى مانتوا عارفين، انا كنت مبسوطه اول يومين بشعرى و احساس الهوا ? بس بعد كده كنت علي طول مش مرتاحه حتى لو ماكنتش ببين وعلي طول بحضر نفسى نفسيا انى ارجع و سبحان الله رجعت و انا فى الساحل و مكانش معايا ولا طرحة
أنا كتبت الكلام ده علشان اشجع نفسي انها ترجع و اقول للمحجبة ال بتقول "طرحة مش هاتفرق أنا كده كده لبسى مش لبس حجاب" ان الكلام ده مش حقيقى و ده مدخل للشيطان لأنك لما تقلعيه مش شعرك بس الى هايبان
❤ ربنا يثبتنا جميعا و يرد كل ال قلعوه و يحببهم فيه
و أنا عن نفسى احساس الهوا ال فى شعرى ده بعد شوية اتعودت عليه و مابقاش مهم ولا حاجة
