6 months الحمد لله؟
.مش حاقول اد اية كان صعب، بس حاقول انا اخدت الخطوة ازاي عشان يمكن دا يساعد بنات كتير
سلمى تشارك حبها للكمان
تحديت نفسي
ب حاجه صغيرة كدة ، انا يمكن من اكتر الناس اللي بتحب شعرها جدااا، بس قعدت حوالي ٣ او ٤ شهور قبل ما اخد قرار الحجاب بحاول اغطي جسمي كله. يعني كنت بالبس بكم و بنطلونات بس، و دة خلاني كل يوم و انا نازلة افكر في الموضوع اكتر و اكتر لغاية لما ضميري وصلني لمرحلة اني احط الكابيشو بتاع الجاكيت عشان مش مستاهلة اخد ذنب من واحد ماشي في الشارع
البنات بقي اللي بتشوف الرياضة بتاعتها هتبقي عائق ليها، انا كنت بالعب باليه و كنت بطنش موضوع الحجاب دا بسببه لحد ما فعلا سيبت الباليه و اتحجبت
سلمى تفعل ما تبرع فيه!
و قعدت ييجي ٣ شهور مش باتمرن و كنت متضايقة جدا، بس بجد كنت اول مره احس ان ربنا بيعوضنا عن كل الحاجات اللي بنجازف بيها دي
انا بقيت اتمرن في مكان احلي بكتييييير من اللي كنت باتمرن فيه زمان، و كنت فاكرة اني مش حاتقبل لان هناك مفيش محجبات بس الحمد لله اتقبلت
،اخر حاجة.. انا عارفة ان كل الناس بتفضل تقوللك انك مش بتتحجبي عشان حد وانك بتتحجبي عشان ربنا بس في بنات مننا و خصوصا البنات الصغيرين بتبقى عارفه الكلام دا كويس. بس بردو اسلوب الناس اللي حواليها و طريقتهم معاها بعد ما تتحجب بتخليها تتردد -و انا كنت من الناس دي- بس بجد بعد اما اتحجبت اكتشفت ان ناس كتييير اوي كنت فاكرة ان ردة فعلهم حاتكون مش حلوه بس اتفاجئت بالعكس تماما
سلمى تبدو خالية من العيوب في صورتها الشخصية "الرخام الأسود"
لكل مراهقة شابة، اتبعي قلبك، فهو يتوق إلى فعل الصواب. وستجدين أن الله سيغير ما كنت تظنينه جيدًا إلى شيء أفضل بكثير!
