Zeina Inspiring Women Series
Nahla El Nemr – Inspiring Women Series
Inspiring Women Series are to showcase some of the successful modest women out there, who succeed not inspite of their hijab but because of it.
تهدف مجموعة النساء الملهمة إلى تسليط الضوء علي بعض النساء المحجبات الناجحات ، اللاتي لا ينجحن رغم حجابهن ولكن بسببه
نهلة النمر، سفيرة المراقبة المجتمعية علي المؤسسات، وقائد فريق المقيميين بجمعية وطنية، كما تعمل بتدريب مقدمي الرعاية وتأهيلهم من خلال ورش عمل وندوات
نشأت نهلة في دار أيتام حتي بلغت عامها ال23، مرت في هذه الأعوام بتجارب عديدة ساعدتها أن تكون الشخص المؤثر الذي هي عليه الأن، وكونها أكثر شخص قادر علي مساعدة الأيتام و معرفة أحتياجتهم والتحسين من الدور المقيمين به
إزاي الإنسان ممكن يكون متصالح مع نفسه وعنده تسامح مع الظروف والناس اللي حواليه؟
يمكن أكتر حاجة بتخلي الشخص عنده تصالح مع الظروف اللي حواليه لما يعرف أن الظروف في الأول و في الأخر اختيار ربنا ليه. يعني أنا حسيت في الأول ان تمام دا اختيار ربنا ليا فا انا محتاجه ان انا اتقبله لأن ربنا مش هيعملي حاجة وحشه. الأحسن ان الشخص يبدأ يتصالح مع الظروف دي عشان يعرف يعيش، لأن لو متصالحش هيلاقي في شويه اجزاء منه واقعة و عشان يكمل الأجزاء دي محتاج
يتعايش.. و في فرق بين التقبُل والتصالُح. يعني في الأول بيكون في مقاومة كده، أن مثلا لا أنا مش من دار أيتام، لا كل دا كدب. فا لما ببدأ أتعايش بيجي التقبل، بدأت أفكر أن طب دا فكرة اني من دار أيتام مش وحشه، وطلع ليها مميزات كمان.. والتصالح مع النفس بيجي من هنا، لكن أكيد مش من يوم و ليله. وأول درجة في التصالح مع الحاجات اللي اذتني هو اني أنكرها، يعني أي ظام أتعرضتله قبل كده، لما بشوفه بيتعمل قدامي في حد تاني مبقبلوش أبدا.. حتي لو شفتها في فيلم او اي حاجة بنكرها من جوايا، دا فرق معايا جدا
كلنا بنتخبط في الحياة باختلاف تجاربنا.. قوليلنا ايه ساعدك تقفي علي ارض ثابته بعد تخبط لسنين طويله؟
أول حاجة أن الحمد لله علاقتي بربنا كانت كويسة و دي مش دايماً بتبقي موجودة قوي في دور الأيتام يعني و خاصة احنا في الدار عندنا التربية مكنتش دينية خالص فا كان في صلاة مثلا بس مش قوي وفكرة الحجاب مكنتش موجودة. وتاني حاجة أني شفت فرص كتير بتضيع مني عشان أنا في دار أيتام، أو انا كنت بفكر اني عشان في دار ايتام فا مش هاخد الفرصة دي ولا هقدم في الشغل دا، مش هينفع مثلا اصاحب الناس دول. فا يمكن دي من أكتر الحاجات اللي فوقتني، ان العمر عمال بيعدي، حسيت ان لا اياً كانت الظروف اللي انا فيها، لازم انا والظروف نعيش الحياة صح
لو حد بيتواجد في مكان مش بيحس فيه بتقبل.. تنصحيه بأيه؟
لو أنا حسيت كده فا علي فكرة هيكون كمان العيب فيا مش بس الناس. أنه أنا اللي مش متقبلة الناس وعندي مشكلة أن صورتي عن نفسي ان الناس مش هتقبلني فا أنا بدخل المكان بالصورة دي، لأني أنا شخصياً كنت زمان بفكر ممكن حد يتنمر عليا او ممكن ميحبونيش لكن بعد كده لما غيرت الفكرة دي، اني هدخل المكان و انا واثقة جدا في نفسى واني I own this place
حسيت الموضوع اتغير جدا، لأنها فعلا حاجة من جوا الواحد اكتر من انها طريقة الناس اللي حواليه
الناس ممكن تعمل ايه يساعدها تتقبل الاختلاف في الغير؟
غمض عينك واسمع الناس، أستعمل ودنك أكتر ما بتستعمل عينك. الفطرة السليمة هي تقبل كل الناس واختلافتهم، بس مع الوقت دا للأسف بيتغير. فا الشخص بس ياخد وقته قبل ما يحكم علي حد بأي حاجة، مش كل حاجة بتتشاف بالعين، لازم نسمع بعض أكتر
من وجهه نظرك، هل الشخص بيكون ليه هويه واحدة لا تتغير طول حياته.. ولا ممكن الهويه تخضع لتغييرات.. وازاي حد يأصل معاني هو حابب انها تكون جزء من هويته؟
لا هي هوية واحدة مش بتتغير، بس ممكن أقعد سنين طويلة من حياتي مش عندي الهوية لحد ما أكتشفها. وممكن تتطور. بالنسبالي أنها هويتي أتغيرت، زمان كنت نهلة الخجولة بحب أكتر أكون لوحدي، لكن طورت مثلا دلوقتي الأنطواء دا وبقيت أجتماعية جدا. والناس المتشتتة في هويتها بيكون جزء كبير نابع من أحساس الشخص بأنه مش مهم، مش مهم حتي بالنسبة لنفسه. إدراك فكرة أني مهمة، ورأيّ مهم ووجودي مهم، دا بيفرق جداً.
لو حد بيتعرض للتنمر.. تنصحية يتعامل مع دا ازاي؟
أول حاجة انصحه ان عمره ما ينفجر في وش اللي بيتنمر عليه لأن دا بيدي للمتنمر قوة وبتخليه يزود. تجاهله تماماً ودا بيحطمه نفسياً. تاني حاجة أني أقّوي نفسي ومخليش الكلام دا يفرق معايا، وأعرف أخد حقي منغير ما اغلط، واكون حابه نفسي زي مانا فا مهما حد أتنمر هيكون واصلّه اصلا ان اللي بيعمله دا مش فارق.
في مقابلة قلتي انك شايفة رحلتك انها استثناء مش ابتلاء.. ازاي قدرتي توصلي للمعني الجميل دا؟
عشان استشعرت فعلاً من جوايا ان ربنا مبتلانيش، ولقيت أن كل حاجة ظاهرها وحش ساعد في أنه يشكل الشخص اللي انا عليه دلوقتي، كل موقف كان خير كبير ووداني لمكان عمري ما كنت هروحله إلا لو الخطوات والخطه دي حصلت من ربنا
ايه الحاجات اللي الأيتام بيحتاجوها فعلاً من الناس اللي بتروح تزورهم؟
الناس دايماً بتفكر أن الأيتام خاصة الأطفال بيكونوا محتاجين حلويات أو لو مراهقين فا مثلا محتاجين فلوس، بس العكس ان الأيتام بمختلف أعمارهم مش هي دي الحاجة اللي هما بيحتاجوها، لكن هما بجد بيفرق جدا ليهم الوقت اللي انتي بتقضيه معاهم. التواصل وبناء حوار بيفرق عشان هو بيحس جواه أن الشخص شايفه كا إنسان مش بس حد جايب لعبه ومجرد بيلاعبه بيها. لو حتي باكل معاه أتكلم، مش لازم أدير حوار معاه عشان ابني معاه علاقه تكمل العمر كله، بالعكس، معظم الناس اللي اثروا في حياتنا ممكن ناس منهم قالوا جمله او جملتين واحنا قاعدين سابوا اثر اكبر بكتير من الي كانوا بيجبولنا لعب وهدايا وكده
خطتك ايه وايه اللي نفسك تحققيه بعد لما بقيتي سفيرة المراقبة المجتمعية علي المؤسسات؟
أهم حاجة الحقوق والتشريعات القانونية، ان الشاب أو الشابة اليتيمة يكون ليهم حق في أنهم يقدموا علي حاجة بصفتهم أيتام، في شوية حقوق هما للأسف مش بياخدوها كما يجب او بيخدوها زي اي مواطن عادي لأنهم مش متصنفنين من الفئة المستحقة للدعم بدرجة أكبر زي السكن والتموين و التأمين الصحي. في أماكن كتير زي مدارس و نوادي بترفض دخول الأيتام، والفترة الجاية المفروض هيكون في تمكين يأهلهم، ودعم لدور الأيتام، ونفسي نفعّل دور الشباب الأيتام ويكونوا معايا في نفس الصف ويكونوا من لفريق بتاعي ويبقوا هما اللي بيشيلوا الشغل معايا
Mshaallah! She’s so beautiful ?
What a story!?
♥️♥️♥️♥️
ربنا يوفقك يا جميل بجد و يكرمك
Great take away …
” الأيتام بمختلف أعمارهم مش هي دي الحاجة اللي هما بيحتاجوها، لكن هما بجد بيفرق جدا ليهم الوقت اللي انتي بتقضيه معاهم”
Thank you Nahla for sharing with all of us
So inspiring! ♥️
قصتك ملهمة جدا ربنا يكرمك حبيبتي
This made my day! Thank you EMMA for featuring real heroes! ?
This touched my heart so much! Thanks Nahla ?✨
قد ايه انتي فطرتك جميلة وروحك قوية ، الله يحميكي
يمكن أكتر حاجة بتخلي الشخص عنده تصالح مع الظروف اللي حواليه لما يعرف أن الظروف في الأول و في الأخر اختيار ربنا ليه
Cant get better than this! thank you ?✨
Masha Allah, so much wisdom packed into her words, saving this for whenever I lose hope ?
Inspiring ?
Thank you EMMA for letting us know about her ❤ she has inspired me alot! ❤
What an inspiring person ✨Thank you for letting us know about her ♥️♥️
Her hope and finding beauty in life is so inspiring ❤?
”كل موقف كان خير كبير ووداني لمكان عمري ما كنت هروحله إلا لو الخطوات والخطه دي حصلت من ربنا“
ملهمه و جميله❤️
She’s amazing and I really hope she gets to achieve her goals.
اكتر حاجة عجباني اصرارها على الدفاع عن حقوق الايتام♥️
Keep shining!♥️
So inspiring bgd. I’m so proud of you and your presistence.
Her soul is so pretty , so inspiring
اتمنى اني اقدر احدد هويتي زيها في يوم من الايام ??
A beautiful conversation with beautiful women I love her insistence and I hope to her more success❤❤❤❤❤❤❤❤❤❤❤❤❤❤❤❤?
You inspired me to accept and deal with difficulties in my life ??
I love how inspiring she is and how she, inspite of all the struggles and hardships she had to go through, managed to keep her faith in Allah and even strengthen it!! GO QUEEN
“ before you be accepted , you need to accept yourself first “
So inspiring ❤️❤️ Hope to achieve your goal cause you deserve all the good ??❤️
Her story is so inspiring❤ How beautiful her soul is❤
اكتر حاجة اثرت فيا هي
“الأحسن ان الشخص يبدأ يتصالح مع الظروف دي عشان يعرف يعيش، لأن لو متصالحش هيلاقي في شويه اجزاء منه واقعة “
This is truly inspiring?
“، حسيت ان لا اياً كانت الظروف اللي انا فيها، لازم انا والظروف نعيش الحياة صح”
كل موقف كان خير كبير ووداني لمكان عمري ما كنت هروحله إلا لو الخطوات والخطه دي حصلت من ربنا“
حقيقي حقيقي بجد ❤ ربنا اختياره لينا أفضل كتير ربنا مبيعملش حاجه وحشة ابدا كل اختيارته خير لينا حتي لو احزنتك ❤
وجملة كمان أثرت فيا عشتها جدا أيام الجامعه
الاحسن أن الشخص يبدأ يتصالح مع الظروف دي عشان يعرف يعيش لأن لو متصالحش هيلاقي شوية أجزاء منه واقعه . حقيقي جدا جدا جدا مليون خط تحت الجمله دي ?
الإنسان لازم يشوف نفس حلو من جوا ثقته ف نفسه هيا الي هتخلي الناس تشوفو حلو الموضوع دا بنمر بيه يوميا فعلا ❤
قد ايه فطرتك جميله وروحك حلوه وقوية استمري وربنا يباركلك ويراضيك علي قد طيبتك ???
Mashallah she is so inspiring and beautiful inside out ❤️
اكتر حاجة مؤثرة قالتها ان فعلا لا م الشخص يتقبل نفسه واختلافه قبل ما ينتظر الناس تتقبله
كل موقف كان خير كبير ووداني لمكان عمري ما كنت هروحله إلا لو الخطوات والخطه دي حصلت من ربنا“
حقيقي جدا ربنا مبيجبش حاجه وحشة ابدا وكل اختيارتو خير ورب الخير لا يأتي إلا بخير وممكن نفتكر أن الحاجه دي ضايقتنا بل بالعكس دا بيكون طريق لحاجة نفسنا فيها وأقدار الله كلها خير حقيقي ❤
وجملة كمان أثرت فيا وعشتها جدا أيام الجامعه
الاحسن أن الشخص يبدأ يتصالح مع الظروف دي عشان يعرف يعيش لأن لو مصالح هيلاقي شويه أجزاء منه واقعه حقيقي جدا جدا مليون خط بجد تحتها لازم تحت أي ظروف أحاول أسعي واكون احسن مهما كانت الظروف ربنا بيدي كل واحد قدره يقدر يكمل ويسعى بيها حقيقي الظروف مش هيا الي هتمشينا احنا المفروض نشتغل ع نفسنا ونسعى كتير والنتيجة ف ايد ربنا بس فعلا لازم انا والظروف نعيش حياه صح ?
والإنسان لازم دايما يشوف نفسو حلو من جوا ثقته ف نفسه هيا الي هتخلي الناس تشوفو حلو والموضوع دا يوميا بنمر بيه حقيقي الحب لازم يكون نابع من جوا
قد ايه فطرتك جميله وقصه ملهمه جدا وروحك حلوه وقوية استمري وربنا يباركلك ويراضيكي ع قد طيبتك بجد ❤❤❤❤
Hope to achieve your goals cause
you deserve all the appreciation ❤❤
وجهه نظرك، هل الشخص بيكون ليه هويه واحدة لا تتغير طول حياته.. ولا ممكن الهويه تخضع لتغييرات.. وازاي حد يأصل معاني هو حابب انها تكون جزء من هويته؟
لا هي هوية واحدة مش بتتغير، بس ممكن أقعد سنين طويلة من حياتي مش عندي الهوية لحد ما أكتشفها. وممكن تتطور. بالنسبالي أنها هويتي أتغيرت، زمان كنت نهلة الخجولة بحب أكتر أكون لوحدي، لكن طورت مثلا دلوقتي الأنطواء دا وبقيت أجتماعية جدا. والناس المتشتتة في هويتها بيكون جزء كبير نابع من أحساس الشخص بأنه مش مهم، مش مهم حتي بالنسبة لنفسه. إدراك فكرة أني مهمة، ورأيّ مهم ووجودي مهم، دا بيفرق جداً
دا اكتر جزء اثر فيا بجد من كلامك لان باختلاف المواقف انا هويتي حسيتها بقت من الخجوله اللي مش بتحب الناس للاجتماعيه اللي عارفه قيمه نفسها و قيمه رايها
انا مبسوطة من قوة شخصيتك و ثقتك بنفسك…وزي ما قلتي في فرق بين التقبل و التصالح ..و اكيد علاقتنا بربنا بتسهل علينا اننا نتخطي اي حاجة صعبة ف حياتنا … ربنا يباركلك و ينور طريقك
ماشاءالله ربنا يوفقها ويثبتها ربنا رزقها الرضا ودي اهم حاجه لا ترضى بقسمة ربنا ليك ربنا بيرضيك وبيبدأ يفتح عينيك على طرق انت ماكنتش شايفها هي ربنا رزقها بده ماشاءالله وعاجبني ثقتها في ربنا وفي نفسها وازاي اشتغلت على نفسها وواجهت ظروفها في مجتمع بيبص لليتيم اللي متربي فى دار ايتام نظره غلط تماما واثبتت فعلا ان اللي ليثق في ربنا ربنا بيرزقه اكتر مايتمنى
ونقطة مهمه اتكلمت عنها وهي التنمر ودي كلنا لازم نبدأ نوجه الجيل الجديد على انه يحاربها عشان ماتشوفش مرضى النفوس اللي بقوا للاسف كتير حوالينا
حقيقي عندها طاقة ايجابيه وطاقة تفائل كبيره اسأل الله انه يديمها عليها ويرزقها الرضا ويرزقها رضاه سبحانه ❤️
It’s so hard to stay strong by your own, such a great inspiration for me when i feel tired forgetting the things that i should continue for.. you inspire me and make me think more about Allah , keep going with all wishes of success ?
كلامها اكثر من رائع بجد و ساعدنى افهم اكتر ان الحاجات المادية مش كل حاجة و انهم ممكن يحتاجوا اكثر اننا نكلمهم و نرفع من معنوياتهم و نسعدهم و كمان فكرة ان ازاى اشوف اى حاجة وحشة حصلتلى من منظور مختلف تبين ان دة نعمة من ربنا و احمد ربنا على كل شئ
تقبل الظروف اللي ربنا حطنا فيها لانها مش هتتغير و
التاعيش معاها من اكتر الجمل اللي سمعتها صح
Your arge gorgeous keep going❤
انتي جدعة وقوية
ربنا يقويكي
فعلا التشريعات جزء مهم…ربنا يقدرك وتقدري تساعدي الايتام فعلا ياخدوا حقوقهم
“ان الله لا يضيع اجر من احسن عملا”
وانتي اجتهدتي و تستاهلي كل خير
احسن حاجه تخلى الانسان عايش مرتاح و احلى حاجه فى حكايتك رضاكى بالمقسوم و ده خلاكى عندك رغبة و حب انك تساعدى غيرك
اكثر حاجه الهمتني طريقة تقبلها لظروف المحيطه به وتصالح مع النفس ونظرته فى الأمور مختلف فى موضوع معرفة الناس المحيطه وانا اسمع الناس مش اشوفهم بالعين و انى مش احكم على الأمور مسبقا
ما شاء الله مش اي حد يقدر يحول حاجه صعبه في حياته و ممكن تكون عقده لكتير و سبب أنهم ميدقدموش و يخليها حاجه جميله و جايبه! احيننا كتير ينفصل تيهين مش قادرين نشوف الي احنا فيه ازاي خير لينا ولا قادرين نفهم رسالة ربنا.. انتي ما شاء الله ربنا أكرم بفهم و تقبل مش عند ناس كتير ربنا يزيدك و يرزقنا الرضا على ما لا نستطيع تغيره و القوه على تغير ما نستطيع تغيره
كل كلامك اثر في بجد محتاجه افكر بالطريقه دي ان لازم اتعايش وارضى واتقبل الظروف وتعريفاتها منحة من ربنا
كل كلامك جه على جروح في نفسي خلاها تطيب يارب ربنا يوفقك ويسعدك ويساعدنا ونقدر نوصل للرضى
*لما ببدأ اتعايش بيجي التقبل*
حسيت هنا بالرضا جدااا في كلامها بجد ♥️
انا الحمد لله راضيه بال ربنا كاتبهولى لكن بحس كتير انى مش متصالحه مع نفسي وفي حاجات في نفسي مش عارفه اغيرها بقدر كبير ومش عارفه اتقبلها وموقفه حاجات كتير والعمر بيجري عشان شايفه ان الناس مش متقبلانى
حته ان لازم انا اتصالح مع نفسي بكل حاجه فيها واتقبلها واقدرها واحس انى مهمه دى نقطه حلوه اوى عشان الناس تتقبلنى
ربنا يرزقنى الثقه بالنفس ?
كلامها مُلِهم اوى وجميل جدا ماشاء الله
انا ممتنه لوجودها في الحياة ولكلامها المبهج ???
كل موقف كان خير كبير ووداني لمكان عمري ما كنت هروحله إلا لو الخطوات والخطه دي حصلت من ربنا
Thankyou for sharing this.. i believe in God’s plan and he knows whats best. I just pray انه يكون راضي عني enough for my journey to eventually lead to a better destination.. prayers please ?
Your whole story is so inspiring Mashallah. And it makes me proud to see how such beautiful and adorable women like you grow and achieve all they want no matter what.
there is this one sentence you said that really got me thinking
“ممكن أقعد سنين طويلة من حياتي مش عندي الهوية لحد ما أكتشفها. وممكن تتطور.
Really I have been always searching for it and I can’t find and when I almost lost hope your story came across my way.???????
Thank you so much and keep on !!
بجد الكلام لمسني جدًا ، مش متخيله احساسها ايه دلوقتي و هي بتتفادي الغلطات اللي اتعرضتلها مع الايتام لما كانت مكانهم ، حقيقي انسانه هايله وجميله و لازم نبقي فخورين بيها❤️
انا يتيمه بس متربتش في دار ايتام اتربيت ف البيت عادي و اتعرضت لمواقف كتير جدًا مش حلوه ومش متخيله هي اتعرضت لايه اكتر واصعب و قدرت تكون الشخص الناجح اللي كلنا مبسوطين بيها كده في حين ان ناس تانيه ظروقها احسن محاولتش تعمل اي حاجه تسيب بيه اثر جميل كده، اكتر حاجه عجبتني في كلامها هي الرضا ??انها راضيه ومطمنه وواثقه في ربنا انه جميل لا يأتي الا بالجميل و انها قدرت تبني علاقه الرضا والاطمئنان دي في بيئه متساعدهاش ع كده ، شكرًا ايما عالجمال ده كله وشكرًا يا نهله انك قدرتي توصليلنا رسايل كتير تغير في تفكيرنا للاحسن??
جميله ومليانه رضا وحرية وقوة انتي فتحتي سكه جديده للأيتام وبشكل واعي ومثقف ومدرك للحياه. ربنا يوفقك وتكوني انتي النور الل يهايمشوا ف اتجاهه وينو لهم طريقهم. قصتك ملهمة واكيد كانت مليانه تحديات أكبر ???
جميلة جداً ❤ وحقيقي كل ست بتكون ملكة بحجابها وعمره ما كان مانع لممارسة الحياة
❤ الطبيعية أبداً و لا كان كابت للحرية أبداً