My Hijab Story
We All Go Through This
أنا لبست الحجاب و أنا عندي ١٤ سنة في أولى إعدادي
اليوم اللي لبست فيه الحجاب كنت مترددة أوي و خايفة ، بس أهلي و بابا بالذات كانوا في ظهري. كنت حاسة إن شكلي هيكون غريب و إن الحجاب هيمنعني اني أعمل أي حاجة أنا عايزاها. اليوم ده أنا كنت نازلة مع أهلي و مكنتش عارفة لو أنا رابطة الطرحة صح ؟ طب شكلي كان عامل ازاي ؟
اللي كان نوعاً ما مسهل علي لبسي وقتها اننا كنا في الشتاء
نزلت أول يوم ده و فضلت أبص على كل مرايا بنعدي جمبها و أقول لنفسي هو ده بجد أنا؟ حسيت اني بقيت كبيرة فجأة و ان حاجات كتيرة اتغيرت و لسة حتتغير
تاني يوم رحت المدرسة و مكنتش عارفة الناس رد فعلها هايكون إيه عشان كنت عارفة إن محدش متوقع ده مني
وفعلاً كلامي كان صح ، الناس كانت مستغربة أوي ، في اللي هناني و في اللي قال لي شكلي أحلى من غيره
كان في آراء مختلفة كتيرة بس الآراء الوحشة بالذات أثرت فيا أوي
بعدها بدأت أحس اني عايزة أقلعه و ان في حاجة غلط و افكر أنا ليه لبسته ما كان ممكن البسه على الجامعة مثلاً و مش دلوقتي ، و من هنا موضوع اني أقلع الحجاب كان بيكبر أوي في دماغي
بس كان في حاجة جوايا بتقول لي مش هتقدري تاخدي الخطوة . لبسي كان حلو على سني ، شكلي كان حلو ، بس أنا مكنتش شايفة حاجة زي دي. مع الوقت ابتديت أحبه أوي ، وأحس إنه جزء مني. و إن من غيره في حاجة غلط .وبجد بقيت بحب شكلي فيه جداً والمفاجئة اني بقيت بحب شكلي به عن و أنا بشعري. ياما دعيت ربنا بالثبات والحمد لله كان بيستجيب. كون اني بقيت كدا و في الحتة دي دلوقتي دي حاجة أنا بحمد ربنا عليها
الخطوة صعبة و بنقعد نفكر فيها كتير ونسأل نفسنا “شكلي هيبقى وحش ؟ هخسر هويتي ؟ إلخ…” الحجاب عمره ما بيخسر حد. أنا و أنا بالحجاب لسة مريم ، لسة عندي نفس أفكاري و حدودي. ودلوقتي أظن إن الدنيا أسهل بكتير لنا كمحجبات عن أي وقت تاني و دي حاجة تشجع أي واحدة انها تاخد الخطوة و هي مقتنعة
أنا عارفة اني طولت شوية بس ده بجد اللي كان في قلبي وعايزة أوصله. متخلوش حاجة تخوفكوا أو تمنعكوا عنه
هو في حاجة أحلى من القرب من ربنا؟
انت قلت المفيد مفيش حاجه احلى من القرب من ربنا
ربنا يثبتنا على الحجاب و الطاعه و يهدى بنات المسلمين للستر و الحجاب اللهم امين
اللهم آمين حبيبتى♥️♥️
حبيبتي انتي احلي بنات في الدنيا كلكم بحبكم اوي وشكم جميل وكفاية اقولكم انه فيه نور ربنا يرضي عليكم كمان وكمان ويثبتكم
حبيبتى شكراً عالكلام الحلو ده ??? ، اللهم آمين♥️♥️
ياريت تكتبوا علي طول بالعربي في قرب وحميميه اكتر والترجمه تحت مفيش مشكله بس الاساس لغه القران الكريم وربنا يكرمنا جميعا بالحشمه والحجاب
حاضر إنشاءالله♥️، يا رب??
اصلا معظم مشترياتى من عندكم قائمه على اعجابى بيكى فى الحجاب مظهر محترم ومشرف لاى محجبه
مرسى عالكلام الجميل ده?♥️♥️
الدعاء أجمل و أأمن ملاذ ❤️
ايوه♥️♥️
ربنا يثبتك ويثبتنا جميعاً يارب
بسم الله ماشاء الله انتي جميله جداً في الحجاب ووشك منور ومبهج ربنا يحفظك